Lorenzo Scarponi

TORNA ALLA PAGINA DELL’ISTITUTO FRIEDRICH SCHÜRR

Bloz

A sém carsù...
cunténd i vagun dè' tréno
curéndsi dri
tra i pajr.

U n gnè piò...
u n gnè piò un paièr.
Bloz!
Parchè?

E' cino

Ai vagh a la sòira
a la calèd dè sòul.
In pròima foila: disdòi sè cavdél.
A ciud j oc
... é a zoirch t l'aria
è prufoum di fiur d'maréuga
par fèm imbariaghé.
... E' fasèn masèd tra l'érba aèlta
è cèma la su cumpagna.
... La gatina saibàdga ché
par un pcòun
la s lasa gratè la testa.
... Du livar i zuga a coùrsi dri
t'un cantir a d'érba, taiéda da poch

u n la ciapa

u la vo fè s trachè
E' soul e’ va zo t’è sach
e’ va 'durmoi tra dò novli niri.
... E' vént a forza ad dèi, u j la a fata
pianin, pianin, a farmès.
... Da lòngh u's sint a cantè e’ coch.
La lusa la vén a maènch
e’ vén so e’ scur
ch'e’ mèsa tot.

La voita

Agl'éli d'na pavaiòta.
E' prufoum d' na rosa.
E' dulòur dal spòini.
L'è 'na puésì?
L'è tot 'na cumédia?
Vèra? Finta?
L'onich fiòur ch'a n’ò mai sfiurè...
par pavura da fèl apasoi?

A na fè gnént
u n'i vo nisun curag.

A m'arcourd

Un bel arcourd u n sparés.
T'al mét t'un cantòun
t'al toir fura quant t'vù.
La zéngia ch'la sbat ma tèra
mi pì dè lèt...
è' mi bà.

Nòra

Quant ch'a péns ma li
a so cumè un maèr in burasca:
òndi ch'agl'aroiva fina mè zil
e’ pèr ch'al faza a gara tra 'd lòuv
par avdòi chi ch'l'aroiva piò d'inèlt.
Li s coica, al s'incavala, al sbofa
cumè ché al s'aragnés.
O chi sà, forsé a gl'impréca
ma Bélaria é ma la sù maròina
ch'la s'à fat incuntrè.
E pu pién pién, la caèlma
'na caèlma piata cumè 'na taèvla
da fèi sòura... a n’e’ so quanta straèda
par un sguèrd é un surois.

Bloz

Siamo cresciuti...
contando i vagoni del treno
correndoci dietro
in mezzo ai pagliai.

Non c'è più...
non c'è più un pagliaio.
Bloz!
Perchè?

Il cinema

Ci vado alla sera
al calare del sole.
In prima fila: seduto sul cavedale.
Chiudo gli occhi
... e cerco nell'aria
il profumo dei fiori d'acacia
per farmi ubriacare.
... Il fagiano nascosto tra l'erba alta
chiama la sua compagna.
...La gattina selvatica che
per un boccone
si lascia grattare la testa.
... Due lepri giocano a corrersi dietro
in un campo d'erba, tagliata da poco
non la prende
la vuole fare stancare.
... Il sole cala dentro al sacco,
và a dormire in mezzo a due nuvole nere.
... Il vento a forza di darci, ce l'ha fatta
piano, piano, a fermarsi.
... Lontano si sente cantare il cuculo.
La luce viene meno
arriva il buio
che nasconde tutto.

La vita

Le ali di una farfalla.
Il profumo di una rosa.
Il dolore delle spine.
E' una poesia?
E' tutta una commedia?
Vera? Irreale?
L'unico fiore che non ho mai sfiorato...
per paura di farlo appassire?

A non far niente
non ci vuole nessun coraggio.

Mi ricordo

Un bèl ricordo non sparisce.
Lo metti in un angolo.
Lo tiri fuori quando vuoi.
La cintura che sbatte a terra
ai piedi del letto...
il mio babbo.

Nora

Quando penso a lei
sono come un mare in burrasca:
onde che arrivano fino al cielo
sembra che facciano a gara tra di loro
per vedere chi arriva più in alto.
Si spingono, si accavallano, sbuffano
come se... si sgridassero.
O chissà, forse imprecano
a Bellaria e alla sua marina
che ci ha fatto incontrare.
E poi piano piano, la calma
una calma piatta come una tavola
da farci sopra... non sò quanta strada
per una sguardo e un sorriso.